" MERI RUH "

Shav  ko  yeh  sab,

Chu  rahe  thae.

Najaane  kyu  yeh,

Kuch  kahe  rahe  thae.

Aankhe  bhi  bandh  hogayi  thi,

Najaane  kyu  sabhi  dikh  rahe  thae.

Palke  bhi  unki  juki  thi,

Aankho  ki  baarish  bhi  na  tham  rahi  thi.

Chup  karana  chahta  tha  unhe,

Par  awaz  na  sunn   raha  tha  koi.

Phir  logoo  ne  RAM  ka naam  liya,

Najaane  kyu  azad  hawa  mei   udhne  laga.

Phir  palat  ke  niche  dekha,

Safhed  chaddar  mei  lipta  huwa,

Char  kandho  pe  kahi  jaa  raha  tha.

Yeh  dekh  kar  mein  ghabra  gaya,

Najaane  kyu  Zindagi  ne  mujhko  haraa  diya.

Na  dard  huwa  na  eshaas  huwa,

Najaane  kyu  mein  khud  se  dur  hogaya.

Mere  alfaz  bhi  ab  tutne  lage,

Najaane  kyu  mere  shabd  khamosh  hone  lage.

Jal  raha  hu  ab  uss  aag  mei,

Jaha  mere  sapney   pighal  ne  lage.

Ab  na  lagta  hai  dar  mujhe,

Kyuki   kuch  waqt  mei  raakh  ban  ja-unga.

Ab  sannate  hi  hoge  mere  saathi,

Kyuki   sagaroo  mei  kahi  kho  ja-unga.