Kaisa Hai Yeh Rishta

Woh shaam nashe mei tum thi,
Teri saase garam lagne lagi mujhe,
Mere kandhe pe sar tha tera,
Teri harkatein ajeeb lagne lagi mujhe...

Baje thae dhaai,
Aahen leti huie woh raat,
Kasmien bhi khaaie,
Rehne wale thae hum saath...

Ghar tha khaali tera,
Andar kamre mei le chali tu,
Sab huwa tere mere beech,
Phir bhulane ko khene lagi tu...

Ab isse hoagaye saal paanch,
Dil tuta tha jaise kaanch,
Barbaad kar chuka tha har ek aasu,
Bhul chuka tha betie har ek raat...

Aaj bhi jab tu rehti akeli,
Karvaten badalte huve tu mujhe bulati,
Chala aata hu tere ghar,
Bhool jata teri hogaie hai shaadi...

Ab toh mujhe tu baksh de,
Babu aur sona khene wali,
Kaisa Hai Yeh Rishta,
Tera Mera aur Mera Tera...

Naa chahte huve bhi chala aata hu,
Baatein bhool ke tujhse lipat jaata hu,
Tu bewaffa bhi hai aur waffa kar rahi,
Kaisa Hai Yeh Rishta,
Tera Mera aur Mera Tera...

Yaadein

Yaadien kissi ke liye dard banna,
Toh kissi ke liye dawa,
Kabhi banni manzil,
Toh kabhi banna sahaara...

Par meri kahani ne,
Aisa modh kyon hai liya,
Meri Mohabat thi saath mere,
Phir kyon yaadein thamei haath mera...

Naa samaj saka, naa samja saka,
Pal bhar ke liye paagal huwa,
Tu thi mere saath magar,
Teri yaado ne kyon dhakka diya...

Aaj tere saath chalte huve,
Ehsaas mujhe kyon aisa huwa,
Jaa pocha uss gali mei,
Jaha paheli baar tera didaar huwa...

Teri baato mei chupi muskaan Ko dekh,
Teri yaadein mujhe hai cheddti,
Nazre churake teri aankho ko dekh,
Teri yaadein palat ke mujhe hai dekhti...

Saath khadi hai mohabat meri,
Phir kyon tasveer banaye yaadein meri,
Sawaal karu apni mohabat se,
Jawaab deti kyon hai yaadein meri...

Khud se puchu ya khuda se,
Ya phir mein khamosh rahu,
Heraan hu aur pareshaan hu,
Kaissi hai yeh yaadein meri...

Waffa-E-Ishq

Naa-Jaane kitno ne likha hai,
Waffa-E-Ishq par,
Khuda ki rehmat hai hummpe,
Jo aaj likh rahe hai iss par.

Yakeen tha hummei,
Khud se jyaada Khuda pe,
Jisse khoojte rahe shaffon mei,
Woh milenge hummei raho mei.

Har baar kutub-khaane mei baithe huve,
Karte thae unnka intezaar.
Unnki aankho ko dekhkar,
Na-jaane kaha dubh jaate thae yaar.

Tha unnko yakeen,
Karte hai unnse Ishq.
Waqt ko badalte dekh,
Dete rahe Imtihan-E-Ishq.

Anjaan si mulakaat,
Pechaan mei badal rahi thi.
Shabdo ko savarte dekh,
Muskaan bhi sharma rahi thi.

Jukki nighaho ne Izhaar toh kiya,
Dil-E-Nadaan hummei thoda pareshaan kiya.
Juthi duniya na dikhaie unnhone,
Isliye labbo ne Aitraaz kiya.

Kadmo ko rukhte dekh,
Unnhe kashmakas se nikala.
Jab huwa Aitbaar,
Tab humne Waff-E-Ishq samjaaya.

Zindagi se haar kar,
Ishq ka taaj nahi pehenunga,
Saaso mei rahegi aapki mulakaate,
Bas issi ke sahaare jeeta rahunga.